Սկիզբ
Նորություններ
ՄԱՄ-ի հիմնադիրները Ֆրանսիայում․ ODARIF-ի բացում և համաժողով՝ Սփյուռքում հայերենի ուսուցման շուրջ
M.A.M կրթական շարժման համահիմնադիրներ Մարինե և Մելինե Ղազարյանները Ֆրանսիա կատարած այցի ընթացքում մասնակցեցին Իլ դը Ֆրանս տարածաշրջանի հայկական սփյուռքի կազմակերպության՝ ODARIF-ի պաշտոնական բացման արարողությանը, ինչպես նաև Սփյուռքում հայերենի ուսուցմանը նվիրված կրթական համաժողովին։
ODARIF-ի բացումը տեղի ունեցավ 2026 թվականի սեպտեմբերի 11-ին՝ Լը Պլեսի Ռոբինսոնի Maison des Arts մշակութային կենտրոնում, ՀՀ սփյուռքի գործերի գլխավոր հանձնակատարի գրասենյակի բարձր հովանու ներքո։
Սեպտեմբերի 12-ին քաղաքի Maison des Associations կենտրոնում անցկացվեց ODARIF-ի և ՀՀ կրթության, գիտության, մշակույթի և սպորտի նախարարության համատեղ կազմակերպած համաժողովը՝ նվիրված 21-րդ դարում Սփյուռքում հայերենի ուսուցմանը։ Այն մեկտեղել էր Հայաստանից ժամանած մասնագետների և Ֆրանսիայի տարբեր քաղաքների հայկական դպրոցների ու կրթամշակութային կառույցների ներկայացուցիչներին։
Համաժողովին ներկա էր ՀՀ ԿԳՄՍ նախարարության ներկայացուցիչ Ալվինա Էլոյանը։ ՄԱՄ-ի համահիմնադիրները ներկայացրին Սփյուռքի համար ժամանակակից և տեխնոլոգիաների վրա հիմնված կրթության իրենց փորձն ու մոտեցումները։
Քննարկումների առանցքում էին Ֆրանսիայում հայերենի դասավանդման մարտահրավերներն ու հնարավորությունները, դպրոցների և համայնքային կառույցների միջև փորձի փոխանակումը, ժամանակակից մանկավարժական մեթոդների կիրառումը և կրթական կապերի ամրապնդումը։ Առանձնահատուկ կարևորվեց արևմտահայերենի և արևելահայերենի փոխանցումը՝ որպես հայկական ինքնության, մշակույթի և պատմական հիշողության պահպանման հիմք։
Համաժողովին մասնակցում էին Նիցցայի «Բարսամյան» դպրոցի, Մարսելի JAF-ի, Գրանդ Էստի տարածաշրջանային ներկայացուցչության, Լիոնի «Մարգարյան–Փափազյան» դպրոցի և YAN կրթական կենտրոնի, Ռենի Հայ տան, Կլամարի Վահե Ֆաթալի կրթամշակութային կենտրոնի, Դեսին Շարպիոյի YAN կրթական միության և Լը Ռենսիի «Դպրոցասեր» վարժարանի ներկայացուցիչները։
Հանդիպումները հնարավորություն ընձեռեցին քննարկելու համագործակցության հետագա ուղղությունները՝ ժամանակակից թվային և ինտերակտիվ ուսումնական գործիքների զարգացում, կրթական ռեսուրսների ու փորձի փոխանակման ցանցի ձևավորում և երիտասարդ սերնդի հետաքրքրության խթանում հայերենի հանդեպ։
M.A.M-ի համար նման հանդիպումները կարևոր են Հայաստան–Սփյուռք կրթական կապն ամրապնդելու և համայնքների կարիքներին արձագանքող լուծումներ զարգացնելու տեսանկյունից։ Հայերենի փոխանցման շուրջ համատեղ աշխատանքը նաև ներդրում է նոր սերնդի ինքնության, պատկանելության զգացման և Հայաստանի հետ կենդանի կապի պահպանման մեջ։
Արտաքին հրապարակումներ
M.A.M-ը մասնակցեց «Հայաստան–Սփյուռք կրթական երկխոսության» մեկնարկային հանդիպմանը
Սփյուռքի երիտասարդ դեսպանների չորրորդ սերունդը՝ M.A.M-ում
Armenia Lacrosse-ը և M.A.M կրթական շարժումը մեկնարկել են հայկական քրիստոնեական ինքնությունը, լեզուն ու ժառանգությունն ամրապնդող միջազգային առցանց ծրագիր
Մինչև 100% եկամտահարկի վերադարձով մեկնարկում է «AI քեզ ուսուցիչ» վերապատրաստման ծրագրի երկրորդ փուլը
Սփյուռքի դպրոցների ղեկավարների և ուսուցիչների վերապատրաստման ծրագիր
Ավարտվեց «AI քեզ ուսուցիչ» վերապատրաստման դասընթացը՝ միավորելով ուսուցիչների Հայաստանից և Սփյուռքից
M.A.M դպրոցի ծրագրերն արժանացել են պետական երաշխավորման
M.A.M հայագիտական օնլայն դպրոցի հիմնադիրներ Մարինա և Մելինե Ղազարյանների այցը ՌԴ հայկական համայնքներ
ՀՀ սփյուռքի գործերի գլխավոր հանձնակատար Զարեհ Սինանյանը և գրասենյակի աշխատակիցների այցը «M.A.M» կրթական շարժման գրասենյակ
Իրազեկման դասընթացներ հայրենադարձների համար
Հայերենի անվճար դասընթացներ
#EngageArmenia2024 Ֆորում
Հայրենիք-Սփյուռք կապը սկսվում է հայագիտական առարկաների ուսուցումից
