M.A.M-ի թիմը

«Սովորել կարելի է միայն այն, ինչ սիրում ես»։

Դպրոցական մանկավարժության մագիստրոս։

17 տարվա մանկավարժական և հայոց լեզվի դասվանդման երկարամյա փորձ։

«Արեգնազան» կրթահամալիրի ուսուցիչ և մեթոդաբան։

ԿԶՆԱԿ հիմնադրամի փորձագետ։

Նախագծի մասին

Այս նախագիծը հիանալի հնարավորություն է մանկավարժական գործունեություն ծավալելու Հայաստանի սահմաններից դուրս, յուրացնելու հեռավար կրթության նորագույն մեթոդներ և տեխնոլոգիաներ, ծանոթանալու սփյուռքահայ երեխաների հետ և նրանց համար իրականացնելու այս հայրենանվեր աշխատանքը, բացահայտելու մանկավարժական նոր ասպարեզներ և նվաճելու նոր բարձունքներ և, ի վերջո, մի փոքր ներդրում ունենանալու հայապահպանման կարևորագույն գործում։

Ուղերձ ուսանողներին

Մեզ հետ հայրենիքն ավելի մոտ է։

Ինչու՞  M.A.M​

Այս ծրագիրը միակը չէ, և դա շատ լավ է, բայց այն յուրահատուկ է, քանի որ համախմբել է պատասխանատվության, բարեխղճության, նվիրումի, արհեստավարժության ու ստեղծագործականության բարձր մակարդակով օժտված մարկանց։ Հրաշալի գաղափարը ամրապնդվել է մեծ հավատով ու սիրով և կյանքի է կոչվում ամուր կամքի շնորհիվ, և ես երջանիկ եմ, որ այդ հիանալի գործընթացի ականատեսն ու մասնակիցն եմ։

«Նախ՝ եղի՛ր կրթված»։

Պատմաբան, կրթության մասնագետ, պատմության ուսուցանման փորձագետ։

Լոնդոնի համալսարանական քոլեջի (UCL) և Քեմբրիջի համալսարանի հետ համատեղ ուսուցիչների վերապատրաստման ծրագրերի մասնակից:

Հայաստանի Ամերիկյան Համալսարանի դասախոս։

Ավելի քան 15 տարվա մանկավարժական աշխատանքային փորձ։

«Կիլիկիայի Հայկական պետությունը Միջերկրածովյան առևտրի համակարգում (13-14-րդ դդ.)»։ Մենագրության հեղինակ և «Գիրք պատմության ուսուցման․ ինչո՞ւ, ինչպե՞ս» գրքի համահեղինակ, ինչպես նաև ավելի քան երեք տասնյակ գիտական աշխատանքների հեղինակ։

Նախագծի մասին

Այս նախագծի հիմքում առաջին հերթին զգացմունքներն ու գաղափարներ են, առանց որոնց կրթությունը կդառնա զուտ մեխանիկական գործընթաց։ Ինչպիսի՞ անհատ ենք ցանկանում ունենալ այս նախագծի արդյունքում։ Անհատ, որը ոչ միայն ունի առարկայական գիտելիքներ, այլև տիրապետում է ժամանակակից աշխարհում ապրելու և գործելու կարևորագույն հմտություններին և ամենակարևորը՝ ունի անհատական բարձր որակներ ու կարողություններ։

Ուղերձ ուսանողներին

Կրթությունը գերնպատակ չէ, այլ միջոց ստեղծելու ներդաշնակ, արդյունավետ հարաբերություններով ձևավորված միջավայր և հասարակություն, ուստի, միանալով M.A.M-ին, կարևոր է հասկանալ, որ այն ոչ միայն տարբեր առարկաներ սովորելու համար է, այլ մի վայր, որտեղ սովորում ենք հարաբերվել, համագործակցել, հանդուրժել, լինել բաց և, ի վերջո, սիրել։

Ինչու՞ M.A.M

Գլխավոր շեշտադրումը չափելիության մեջ է, երբ զուտ կարգախոսները, նպատակները և լավ ցանկություններն այս ծրագրում չեն մնում զուտ բառեր, այլ դառնում են կրթական հստակ, չափելի գործընթացներ։

«Այն ուսուցիչը, որը կարողանում է իր սաներին օժտել աշխատանքի մեջ ուրախություն գտնելու ունակությամբ, արժանի է դափնեպսակի…»:

Տարրական դասարանների ուսուցիչ:

17 տարվա մանկավարժական փորձ Հայաստանի լավագույն կրթօջախներում։

Ներկայումս աշխատում է «Քվանտ» վարժարանում։

Նախագծի մասին

Իմ սաները 6-10 տարեկան երեխաներն են:

Երեխաներին ուսուցանելն ու դաստիարակելը իմ կյանքի կարևոր մասն է: Ես ինքս մայր եմ և հիանալի հասկանում եմ, թե որքան դժվար է գտնել ուսուցիչ, որը մասնագիտացված կլինի իր ոլորտում և կուրախացնի երեխային: Հետևաբար, ես ամեն ջանք գործադրում եմ, որպեսզի իմ մասնագիտական հմտությունները, նվիրվածությունն ու բարի վերաբերմունքը երեխային տրամադրեն ինձ ոչ միայն որպես ուսուցչի, այլև՝ որպես ընկերոջ:

Ես փորձում եմ յուրաքանչյուր աշակերտի հետ հաղորդակցվել անհատապես և իմ ուսուցման ոճը հարմարեցնել նրան: Իմ նպատակն է յուրաքանչյուր դասը դարձնել հետաքրքիր, ինտերակտիվ և ուսուցողական:

Ուղերձ ուսանողներին

Որակյալ կրթությունն ուժեղ և կայուն պետություն կառուցելու հենասյունն է: Մեզանից յուրաքանչյուրի նպատակն է այս հետաքրքիր ու պատասխանատու գործի իրագործմանը նվիրվել մեծ ուժով ու եռանդով:

Յուրաքանչյուր օր չդադարենք երազել, տեսնել բարին ու գեղեցիկը, ուրախանանք մեր հաջողություններով և հաղթահարենք ցանկացած դժվարություն:

Ինչու՞ պետք է ընտրել M.A.M

M.A.M-ը կրթական հարթակ է, որը ձեզ կօգնի տեսնել բարին ու գեղեցիկը, կօգնի միշտ երազել, հաղթահարել դժվարությունները և ուրախանալ սեփական հաջողություններով:

Միացի՛ր մեր թիմին…

«Մեր շուրջը ամեն ինչ ժամանակավոր է։ Հավերժ են միայն երազանքները»:

Մանկավարժության մագիստրոս, Հասարակայնության հետ կապերի մագիստրոս

Դասավանդման շուրջ 10 տարվա փորձառություն, այդ թվում՝ դասախոսական և ոչ ֆորմալ կրթության ոլորտում

Հետազոտող է ռազմավարական հաղորդակցության, ճգնաժամային հաղորդակցության, պետական և շահույթ չհետապնդող կազմակերպությունների հաղորդակցության ոլորտում

Նախագծի մասին

Կան աշխատանքներ և կան հոգու բալասաններ։ Նախագիծը կամրջում է հայերենն ու հայկական մշակույթը ճանաչելու, իսկ լեզվակիրներիս համար՝ դրանք նոր տեսանկյունից բացահայտելու՝ փոխադարձաբար արդյունավետ գործընթացները։

Ուղերձ ուսանողներին

Ինքդ քեզ ճանաչելու համար պետք է ճանաչես արմատներդ։ Այն, ինչ դառնում ենք կյանքի ընթացքում, ուղիղ կապ ունի մեր արմատների հետ։

Ինչու՞ M.A.M

Արդյունավետ ու համակողմանի կրթական ծրագրի շնորհիվ հնարավոր է ոչ միայն կարճ ժամանակում տիրապետել հայերենին, այլև ծանոթանալ հայկական մշակույթին ու սովորույթներին՝ այն միջավայրին, որում որպես կենդանի օրգանիզմ աճում ու փոփոխվում է մեր հայերենը։

Պատմության ուսուցիչ, արևելագետ և իրանագետ։

«Դասավանդի՛ր, Հայաստան»-ի ուսուցիչ և առաջնորդ։

Ուսումնասիրել է Իրանական պատմաբանասիրություն Ալլամեհ Թաբաթաբայի համալսարանում։

Նախագծի մասին

Հնարավորություն ներազդեցություն ունենալ ոչ միայն մեր երկրի սահմաններում, այլև սահմաններից դուրս՝ աշխարհասփյուռ հայությանը դեպի արմատը վերադարձնելով։

Ուղերձ ուսանողներին

Դուք եք աշխարհը վերափոխողը։

Ինչու՞ M.A.M

Կրթության կարևորությունը և ուժի գիտակցումը առաջնային է, Սփյուռք- Հայաստան կապի արժևորումը միտված է ի գործ և հստակ է գիտակցումը, որ այսօր կրթելով համաշխարհային արժեքներով հայրենասեր անհատ՝ մենք կերտում ենք վաղվա հզոր հասարակությունն ու պետությունը։

«Մեր գործն է` սովորել ու սովորել, ձգտել կուտակել հնարավորին չափ շատ գիտելիք, որովհետև հասարակական լուրջ հոսանքներն այնտեղ են, որտեղ գիտելիքն է, և ապագա մարդկության երջանկությունը միայն գիտելիքում է»:

Որակավորված շախմատի ուսուցիչ, «Arena Grand Master» կոչում. բազմակի միջազգային (Իտալիա, Ուկրաինա, Արգենտինա, Հնդկաստան, Աֆրիկա) և հայաստանյան մրցաշարների մասնակից և հաղթող։

Ազգային վարկանիշը՝ 2250  է, միջազգայինը՝ 1949:

Նախագծի մասին

Նախագիծը թույլ է տալիս զարգացնել և՛ «Հայոց լեզուն», և՛ տրամաբանությունը: Շախմատը ըստ ձևի խաղ է, բովանդակությամբ՝ արվեստ, իսկ խաղին տիրապետելու դժվարությամբ՝ գիտություն:

Ուղերձ ուսանողներին

Շախմատ խաղալիս ոչ միայն զարգանում է տրամաբանությունը և մարզվում հիշողությունը, այլև հիանալի երևում են խաղացողների բնավորության գծերը: Բացահայտելով շախմատը` Ձեզ համար նորանոր դռներ կբացեք:

Ինչո՞ւ «M.A.M»

«M.A.M» կրթական ծրագիրը լավ միջնորդ է կրթությունը և տրամաբանությունը աշխարհասփյուռ հասարակության մեջ արմատավորելու համար: Բարձր գնահատելով շախմատի դերն ու նշանակությունը` կարող եմ ասել,որ այն լավ ազդակ կլինի միտքը մարզելու:

«Երեխաներին անհրաժեշտ է կրթել անասելի սիրով և ոգևորությամբ»:

Բանասեր, մանկավարժ, հոգեբան, խմբագրիչ, սրբագրիչ:

ՀՀ Գիտությունների ազգային ակադեմիայի Հ. Աճառյանի անվան լեզվի ինստիտուտի առկա ասպիրանտ:

ՀՊՄՀ-ի հենակետային վարժարանի և թիվ 57 հիմնական դպրոցի հայոց լեզվի և գրականության մասնագետ:

Աշխատանքային երկարամյա փորձ` Խաչատուր Աբովյանի անվան ՀՊՄՀ, «Զանգակ» հրատարակչություն, «Հայաստանում ֆրանսիական քոլեջ» հիմնադրամ, «Գլոբալ Բրիջ» կրթահամալիր:

Նախագծի մասին

Նախագծի նպատակը մայրենիի նկատմամբ ուշադրության տեղին և նշանակալի բարձրացումն է սփյուռքահայ իրականության մեջ:

Հաշվի առնելով սովորողների տարիքային առանձնահատկություններն ու հետաքրքրությունները՝ նախատեսվել է տարամակարդակ և բովանդակալից ուսուցում: Կարևորելով ազգային արժեքների բարձրացմամբ ազգային արժեհամակարգի պահպանմանը միտված նպատակային աշխատանքը՝ մշակվել է հետաքրքիր և ուսուցողական ծրագիր, ու վերջինիս բարեհաջող հաղթահարման համար փորձառու մեթոդաբանների և մասնագետների ներուժը ծառայեցվելու է սփյուռքահայ սովորողներին տրամադրվելիք օգնության ու օժանդակության ապահովմանը:

Ուղերձ ուսանողներին

Մայրենիի ուսումնասիրությունը՝ հիմնված ձեռք բերած գիտելիքների և լեզվական կարողությունների վրա, նպաստում է ազգապահպանության գործում հայոց լեզվի, հայ գրականության, պատմության և մշակույթի կարևոր դերի գիտակցմանը, դրանց ընկալմանը՝ որպես հայ ազգային մշակույթի արտահայտության բարձրագույն և միասնական ձևի:

Անհրաժեշտ է համախմբվել, ուսուցանել, խթանել, ուսանել և հաջողել:

Ինչո՞ւ M.A.M

Մտահոգության տեղիք տվող խնդիրներից է ազգային ինքնության պահպանումը ոչ միայն հայրենի երկրում, այլև մայր երկրի սահմաններից դուրս: Այս շատ կարևոր և խորքային պատնեշը հաղթահարելու համար հղացել է մի միտք՝ ստեղծելու հնարավորություն, որով միանշանակ կօժանդակենք սփյուռքահայ երեխաներին՝ սիրել տալու մայրենին, հետաքրքրություն առաջացնելու հայրենիքի նկատմամբ և հաղթահարելու մայրենիի ուսումնասիրման ու ընկալման դժվարին խնդիրը: Աշխարհով մեկ սփռված մեր երեխաներին համախմբելու անհրաժեշտության լավագույն միջոցն այս պահին առցանց ուսուցումն է, որով ջերմ ու սրտագին մթնոլորտ կապահովենք միմյանց հանդեպ և կցուցաբերենք սպասվածից էլ շատ ավելի ցանկալի արդյունք՝ աշխատանքը ծառայեցնելով նպատակին:

Երազում եմ, ուրեմն կամ...

Բանասիրության մագիստրոս, գրականագետ, հայոց լեզվի և գրականության ուսուցիչ, դասախոս: Աշխատել է Մեսրոպ Մաշտոցի անվան Մատենադարանում, Դիլիջանի Կենտրոնական դպրոցում, Եվրոպական կրթական տարածաշրջանային ակադեմիայում:

Նախագծի մասին

Այս նախագիծը ժամանակի հրամայականն է և իսկական նվեր ու հնարավորություն աշխարհասփյուռ մեր հայության համար: Գլոբալիզացիայի և համահարթեցման այս դարաշրջանում, երբ աշխարհը, այնուամենայնիվ, ինքնատիպության կարիք ունի, հայապահպանությունը առաքելություն է, որի շնորհիվ կմեծանա մի սերունդ՝ ազգային ինքնությունը գիտակցող, հայկական մշակույթին քաջածանոթ, հայրենասեր, նաև աշխարհի քաղաքացի: Մայրենի լեզվի կախարդական ազդեցությամբ կամրանա ծնող-զավակ հոգևոր կապը, և փոփըմբռնումը կլինի լիարժեք:

Ուղերձ ուսանողներին

Երջանիկ լինելու քաջություն և վճռականություն ունենալ, աննահանջ քայլել դեպի երազանքները:

Ինչու՞ M.A.M

M.A.M.-ի օգնությամբ կարող եք գտնել դեպի ձեր ինքնություն տանող ամենակարճ արահետը. գունեղ, հետաքրքիր, խնամքով մշակված դասերը բարեհամբույր և նվիրյալ ուսուցիչների հետ հաճելի ժամանց կթվան, կզգաք հայրենիքից ճառագող սերն ու ջերմությունը:

Ամեն օր աշխարհին նայել բաց աչքերով՝ տեսնելու անհավանականը:

Բանասեր, դասավանդման երկարամյա փորձ, հեռուստալրագրող, զբոսավար

 Նախագծի մասին

 Լրագրողի աշխատանքի շրջանակներում բազմիցս առիթ եմ ունեցել աշխատանքային այցերով լինել տարբեր երկրների հայկական համայնքներում: Եվ հենց այնտեղ, ավելի քան երբևէ զգացել եմ, թե ինչ կենսական անհրաժեշտություն է օտար երկրում ապրող հայի համար զգալ ու լսել հայերեն: Այս նախագիծը ինձ հնարավորություն է տալիս դարձյալ գնալ հայկական հետքերով, իմ հայրենակցին հոգու հազարավոր թելերով կապել Հայաստանի ու հայկական մշակույթի հետ:

Ուղերձ ուսանողներին

Հայրենասիրությունը սկսվում է հայրենաճանաչողությունից: Այն, ինչը չես տեսել ու չես ճանաչում, սիրել հնարավոր չէ: Իսկ աշխարհի ցանկացած անկյունից հայրենիքին ծառայել հնարավոր է ճանաչելով, բացահայտելով ու սիրելով: Սիրելի՛ ուսանող, մաղթում եմ, որ կրթվելու այս զարմանահրաշ ճամփորդության ընթացքում քեզ համար բացվեն դեպի հայկականն ու հայեցին տանող բոլոր դռները:

Ինչու՞ M.A.M

Հայերենում մայրը ամենաքնքուշ բառն է, որը նշանակում է սիրել, իսկ ընտրել M.A.M-ը, ուրեմն՝ սիրել, գրկել, փայփայել այն ամենը, ինչը կապված է հայրենիքի հետ: Այս կրթական հարթակը քեզ օգնում է ափիդ մեջ տեղավորել հայկականը և ամուր պահել սրտիդ մոտ, որովհետև մի օր քո կյանքի ամենագեղեցիկ ու անվտանգ ճանապարհները քեզ բերելու են Հայաստան աշխարհի հեռավոր անկյուններից:

Ֆրանսերեն լեզվի և գրականության մագիստրոս, մանկավարժի որակավորում:

Հեռավար դասավանդման ուսուցիչ, 5 տարվա դասավանդման փորձ, հեռուստատեսության հաղորդավար, լրատվական մեկնաբան:

Նախագծի մասին

Հայերեն դասավանդելն ինձ համար միայն աշխատանք չէ:

Տարիներ շարունակ աշխատելով հեռուսատեսային ոլորտում համոզվել եմ, որ գրագետ և հայեցի խոսքը հանրության վրա լավ տպավորություն թողնելու գրավականն է: Փորձը ցույց է տալիս, որ միայն լավ արտաքին տվյալները, կոկիկ հագուստն ու վստահ ժպիտը բավարար չէ, առաջնային են ինտելեկտուալ զարգացվածությունն ու գիտելիքները, որոնք ունակ են լույս տալ դժվարին իրավիճակներում: M.A.M-ը հնարավորություն է տալիս աշխարհի տարբեր ծայրերում բնակվող մարդկանց միավորվել հայոց լեզվի շուրջն ու ստանալ գիտելիքներ՝ էլ ավելի խելացի, գրագետ և հայեցի լինելու համար:

Ուղերձ ուսանողներին

Կրթվելու, զարգանալու և էլ ավելի լավը դառնալու հերթը քոնն է, ժամանակ մի կորցրու. գուցե հենց քո գլխում փայլատակի աշխարհն էլ ավելի լավը դարձնելու գաղափարը:

Իսկ ո՞վ ասաց, որ հրաշքները միայն գրքերում կամ ֆիլմերում են: Մեր մտքում ամենաանիրականանալի երազանքի իրագործումը կամ այդ ուղղությամբ արված ամեն մի քայլն արդեն իսկ հրաշալի է: Հիշի՛ր, գիտելիքն այն կախարդական փայտիկն է, որը միայն քոնն է ու ոչ ոք չի կարող քեզնից խլել, իսկ պետք եղած դեպքում այն քեզ կօգնի երազանքներդ իրականացնել: Դու կարող ես լինել ավելի լավը, ավելի խելացին ու գրագետը, եթե հայտնվես ճիշտ միջավայրում:

Ինչու՞ M.A.M

Մեր ժամանակներում, երբ կան կրթություն ստանալու բազմաթիվ առաջարկներ, դժվար է տարբերակել ու ընտրել լավագույնը: Սակայն M.A.M-ի թիմն առաջարկում է կրթական այնպիսի շարժում, որը հարմարեցվել է ժամանակի հրամայականին: Այստեղ դասերն անցկացվում են ջերմ մթնոլորտում եւ տեխնիկապես հագեցած դասասենյակներում: Այս աշխատանքը M.A.M-ի թիմը ստանձնել է սիրով, իսկ դա հաջողության գրավականներից մեկն է:

Երբեք մի՛ հապաղիր նվաճել նոր հորիզոններ և ոգեշնչվի՛ր այլոց հաջողություններով։

Օնլայն և օֆլայն (առկա և հեռավար) դասավանդող ուսուցիչ։ Դասավանդում է միջին և ավագ դպրոցականներին, մեծահասակներին։

Ավելի քան 5 տարվա դասավանդման փորձ։

Ներկայումս աշխատում է «Skyeng» օնլայն դպրոցում։

Նախագծի մասին

Աշխատում եմ տարբեր տարիքի և ազգության երեխաների, ինչպես նաև երիտասարդների հետ, որոնք բնակվում են թե՛ Հայաստանում և թե՛ Հայաստանից դուրս։ Դիտարկելով անձնական փորձը և դասավանդելով տևական ժամանակ օտար լեզու մեր հայրենակիցներին և մայրենի լեզու օտարերկրացիներին՝ մշակել եմ դասավանդման արդյունավետ ոճ, որը թույլ է տալիս հեշտությամբ յուրացնել ընթերցանության, գրավոր և բանավոր խոսքի հմտությունները։ Կարծում եմ, դասավանդել մայրենի լեզու դրսում ապրող մեր հայրենակիցներին, կրկնակի անգամ պարտավորեցնող է։ Այստեղ անհրաժեշտ է հաշվի առնել աշակերտի հիմնական լեզվի քերականական և հնչյունաբանական առանձնահատկությունները և հատման եզրեր գտնել։ Նաև կարծում եմ, որ ուսուցիչը՝ որպես ավագ ընկեր, պետք է փոխանցի ոչ միայն լեզվական գիտելիքներ, այլ նաև հանդիսանա մշակույթի, կրոնի և ազգային առանձնահատկությունների կրողը։

Ուղերձ ուսանողներին

Ճանապարհի սկզբնական շրջանում դժվարությունները միշտ էլ անհաղթահարելի են թվում, ուստի մի՛ դադարիր աշխատել և կերտել քո ապագան ։ Ես էլ քեզ պես այլ երկրում եմ մեծացել, սակայն չեմ կարծում, որ դա արդարացնում է մայրենի լեզուն չիմանալը։ Հետևաբար, փոքր քայլերով և մեծ ցանկության շնորհիվ, կարելի է հասնել հաջողության։

Ինչո՞ւ պետք է ընտրել M.A.M

M.A.M. – ը ո՛չ միայն կրթական հարթակ է, այլ հայրենի երկրում մի հարազատ և ջերմ միջավայր, որտեղ քեզ միշտ սպասում են ու պատրաստ են օգնել։

Դ՛ե ինչ, պատրա՞ստ ես ծանոթանալ մեզ հետ․․․

Հաջողության հասնելու համար միշտ պետք է լինել ճիշտ տեղում և ճիշտ ժամանակին։

Հայոց լեզվի և գրականության ուսուցիչ, բանասեր, լեզվաբան։ Երեք գիտական աշխատանքների հեղինակ մանկավարժության և լեզվաբանության ոլորտներում։

Նախագծի մասին՝

Նախագիծը հնարավորություն է տալիս ոչ միայն մանկավարժական գործունեություն ծավալել, այլև լինել աշխարհասփյուռ հայության մի մասնիկը, զգալ ու ապրել օտար ափերում հաստատված հայրենակիցներին օգտակար լինելու բերկրանքը լեզվի և մշակույթի, ազգային արժեքների պահպանման կարևորագույն գործում։

Ուղերձ ուսանողներին՝

Յուրաքանչյուր ազգ համախմբվում է երկու գաղափարի շուրջ։ Դրանցից մեկը լեզուն է, մյուսը՝ կրոնը։ Ուստի՝ ազգապահպանության համար էական նշանակություն ունի մայրենի լեզվի, մշակույթի զարգացումն ու փոխանցումը հաջորդ սերունդներին։ Մենք չենք կարող բոլոր երեխաներին բերել Հայաստան, բայց կարող ենք իրենց բաժին Հայաստանը տանել իրենց տները։ Ինչպես մեր մեծերից մեկն է ասել՝ "Սիրե՛նք, սովորե՛նք ու պահպանե՛նք մեր ժառանգությունը"։

Ինչու՞ MAM

M.A․M պետք է ընտրել, քանի որ այն ցույց է տալիս հայրենիքում լինելու ուղիղ և անխոչընդոտ ճանապարհը:

Ստեղծել մրցունակ մասնագետների հասարակություն, ինքնակրթվել և կրթել:

Ավարտել է Ռուսաստանի Թատերական արվեստի ինստիտուտի ասպիրանտուրան Մոսկվայում (Российский институт театрального искусства -ГИТИС), արվեստագիտության թեկնածու:

Ավելի քան տաս տարի աշխատել է կրթական և մշակութային ոլորտում, ամերիկյան դրամատուրգիայի և թատրոնի պատմության մասնագետ է, իրականացրել է թանգարանների և թատրոնների առաջխաղացմանն ուղված բազմաթիվ ծրագրեր: Ունի տպագրված հոդվածներ՝ նվիրված ամերիկյան մշակույթին, իրականացրել է հետազոտություններ՝ նվիրված հայ թատրոնի պատմությանը:

M.A.M. նախագծի մասին

Երկար տարիներ աշխատելով Սփյուռքում՝ փորձի փոխանակման շատ առիթներ են ընձեռվել տեսնել, թե ինչքան մեծ աշխատանք ունենք կատարելու կրթական ոլորտում, և M.A.M. նախագիծը այն արժեքների կրողն է, ով տարածում է հայագիտության և հայապահպանության գաղափարը, որը կարող է մեզ օգնել ավելի լավ ճանաչել մեր մշակույթը և ինքներս մեզ:

Ուղերձ ուսանողներին

Կրթությունը, նախ և առաջ, հարաբերվելու ունակություն է, որը նույնպես պետք է զարգացնել: Միանալով այս նախաձեռնությանը՝ կարևորում եմ մթնոլորտի ստեղծում, որտեղ ուսանել կնշանակի առաջադրել հարցեր, զարգացնել քննադատական մտածողությունը:

Ինչու՞ M.A.M

Կրթության կարևորությունը միայն բառերի կույտ չի կարող լինել, այն միավորում է մարդկանց գաղափարի շուրջ, իսկ գաղափարը հստակ է՝ լեզուն նաև ստեղծում է մտածողություն։  M.A.M֊ն իրականացնում է հենց այս նպատակը:

Ապրել` արարելու համար:

‹‹Շիրակացու ճեմարան›› միջազգային գիտակրթական համալիրի կրտսեր դպրոցի ավագ մանկավարժ: Ավելի քան 23 տարվա փորձ մանկավարժական ոլորտում:

Նախագծի մասին

Կարևորում եմ մայրենի լեզվի իմացությունն ու կիրառումը` անկախ աշխարհագրական դիրքից, ուստի, լինելով լեզվի կրողը, մեծ պատասխանատվությամբ ու սիրով եմ լծվել այս գործին. ուզում եմ, որ աշխարհի բոլոր հայ մանուկները լսեն ու խոսեն, գրեն ու կարդան, հայերեն, զգան հայերենը, կատակեն ու ծիծաղեն, ստեղծագործեն հայերենով, սիրեն ու կարևորեն մայր լեզուն: Քանի հայոց ‹‹այբ - բեն››-ն ապրում է, հայը չի մեռնի:

Ուղերձ ուսանողներին 

Կրթությունն այն գանձն է, որ երբեք ոչ ոք չի խլի քեզնից: Կրթվելով հազար ու մի հնարավորություններ ես բացում քո առջև, հազար հրաշքների մասնակիցը դառնում:

Կրթությունն ազատության ոսկե դուռը բացելու բանալին է։ ՋՈՐՋ ՎԱՇԻՆԳՏՈՆ

Ինչո՞ւ «M.A.M» 

 «M.A.M»-ն այն հիանալի հարթակն է, որը ազգապահպան ծրագիրն իրագործելու լայն հնարավորություններ է տալիս:

Հ.Սուքիասյանը 2020 թվականից Հայաստանի ազգային ագրարային համալսարանի հասարակական գիտությունների ամբիոնի վարիչն է, Հայաստանի գիտությունների ազգային ակադեմիայի պատմության ինստիտուտի ավագ գիտաշխատող է: Հեղինակել և կազմել է բազմաթիվ պատմական գրքեր և աշխատություններ, այդ թվում՝ նվիրված 1918թ. Հայաստանի անկախացման գործընթացին, մի քանի տասնյակ գիտական հոդվածների հեղինակ է:

Փրկարար ծառայության գնդապետ; ավելի քան 25 տարի աշխատել է ակադեմիական, պետական և մասնավոր կազմակերպություններում: Գործունեության հիմնական ոլորտները ներառում են հետազոտություններ և վերլուծություններ նախապատմական մշակույթների, հնության աղետների, աղետների ռիսկի նվազեցման, ընթացիկ նախագծերի կազմակերպման և վերահսկման, ինչպես նաև երիտասարդ մասնագետների դասախոսությունների և վերապատրաստման ոլորտներում:

Բանասեր, հայոց լեզվի և գրականության ուսուցիչ:

Մագիստրոսական կրթությամբ՝ լրագրող:

Գիտաշխատող, այժմ՝ հանրային կապերի համակարգող Եղիշե Չարենցի տուն-թանգարանում:

Նախագծի մասին

Այլընտրանքային և նորարար տեխնոլոգիաներով հագեցած կրթական հարթակ, որը, միավորելով գիտելիքն ու երևակայությունը, ազգայինն ու համամարդկայինը, յուրաքանչյուր դասընթացի ավարտին հնարավորություն է ընձեռում աշակերտներին և անհատներին՝ ստեղծելու մի աշխարհ, որը իմ և գուցե քո երազի երկիրն է՝ կիրթ, ստեղծագործ և բանիմաց մարդկանցով:

Ուղերձ ուսանողներին

Սովորի՛ր փոքրիկ քայլերի արվեստը` քայլը դարձնելով թռիչք, իսկ թռիչքը՝ հաղթահարելի ճախրանք` խնամքով պահելով մարդկային լավագույն որակներդ:

Ինչու՞ M.A.M

Քո արտաբերած առաջին բառը նույնքան ջերմ է, տաքուկ, ինչպես M.A.M-ը: Լինել հայեցի, արարող և երազող թիմի մի մասնիկը՝ պարտավորեցնող է և հրաշալի:

Սիրով և նվիրումով արված ցանկացած գործ պսակվում է հաջողությամբ։

Միջնորդ լեզվով հայերեն դասավանդելու երկարամյա փորձ

Նախագծի մասին

Նախագիծն ինձ հնարավորություն տվեց համատեղել օգտակարը հաճելիի հետ՝ միաժամանակ զբաղվել սիրելի գործով և կատարել ազգանվեր և հանրօգուտ աշխատանք։

Ուղերձ ուսանողներին

Մենք՝ ուսուցիչներս, ձեզանից մեկն ենք՝ մեր հույզերով, վախերով, ակնկալիքներով ու խանդավառությամբ։ Եկեք լինենք ոչ թե պարզապես սովորող և սովորեցնող, այլ սիրով համագործակցենք մեր հայրենանվեր նպատակին հասնելու համար։

Ինչու՞ M.A.M

M.A.M-ը աշխարհի տարբեր անկյուններում գտնվող մեր հայրենակիցներին հնարավորություն է տալիս ինտերակտիվ և կենդանի դասերի միջոցով սովորել և հաղորդակցվել հայերենով տեխնիկապես հագեցած լսարաններում՝ երեխայակենտրոն, ժպտերես և խանդավառ ուսուցիչների ընկերակցությամբ։

Ուսուցիչ լինելը ոչ թե մասնագիտություն է, այլ առաքելություն: Հայոց լեզվի ուսուցիչ լինելը՝ ազգապահպան առաքելություն:

Ընդհանուր մանկավարժության մագիստրոս: Տարրական դասարանների ուսուցիչ:

Մանկավարժական գործունեության 8 տարվա փորձ Հայաստանի լավագույն կրթօջախներում և արտերկրում:

Նախագծի մասին

M.A.M կրթական հարթակում հմուտ մասնագիտական թիմը իրականացնում է ազգանվեր գործունեություն՝ ստեղծելով լայն հնարավորություններ հայոց լեզուն սովորել ցանկացողների համար: Այն չեզոքացնում է տարածությունը՝ համախմբելով սաներին հայոց լեզվի ուսուցման շուրջ:

Ուղերձ ուսանողներին

Հայոց լեզվի սերտումը հայ մնալու գրավականն է, իսկ յուրացումը՝ հավերժությանը հպվելու և դրա մասնիկը դառնալու երջանկություն:

Ինչու՞ M.A.M

M.A.M-ը կրթական հարթակ է, որը մի հարկի տակ է հավաքել բոլոր նրանց, ովքեր ցանկանում են իրենց ներդրումն ունենալ հայապահպան գործում: Այն արդիական է, հեռանկարային, ցուցաբերում է բարձր պրոֆեսիոնալ մոտեցում և ապահովում է աշխատանքային դրական միջավայր:

տ.գ. թ., "Ռեպատ Հայաստան" հիմնադրամի համահիմնադիր և տնօրեն:

Ունի ավելի քան 25 տարվա աշխատանքային փորձ պետական և մասնավոր հատվածներում: Զբաղեցրել է Սփյուռքի նախարարի տեղակալի պաշտոնը։

Սփյուռքի հարցերով միջազգային փորձագետ, Հայրենիք-Սփյուռք հարաբերությունների միջազգային փորձի, ինքնության խնդիրների, հայրենադարձության կազմակերպման և ինտեգրացիոն քաղաքականության ձևավորման թեմաներով մի շարք միջազգային խորհրդաժողովների խոսնակ:

ՀՌՀ-ում "սփյուռքի համեմատական վերլուծություն" դասընթացի հեղինակն ու դասախոսն է:

Մինչև Հայաստան տեղափոխվելը աշխատել է Մեծ Բրիտանիայի Միջազգային զարգացման նախարարության տնտեսական հարցերով խորհրդական:

Կրթությունն ուժեղացում է անհատին, համայնքը, ազգը, պետությունը։

Բանասիրական գիտությունների թեկնածու

Հայոց լեզվի դասավանդման 10-ամյա փորձ

Քոուչինգի միջազգային ֆեդերացիայի կողմից հավատարմագրված քոուչ

Գիտական հոդվածների հեղինակ, գրքերի կազմող և խմբագիր

Սփյուռքահայ երիտասարդների և պատանիների համար իրականացվող կրթամշակութային, երիտասարդական ծրագրերի ղեկավար և համակազմակերպիչ

«M.A.M» նախագծի մասին

Նախագծի նպատակը հայապահպանությունն է Սփյուռքում։ Այն առաջարկում է հայոց լեզվի ոչ ֆորմալ ուսուցման նոր ու հետաքրքիր ձևաչափ` ժամանակակից մեթոդական ու տեխնիկական լուծումներով, տարիքային խմբերի համար հատուկ մշակված ծրագրով, դասընթացների հարմարեցվող ժամանակացույցով։

Ուղերձ ուսանողներին

Հայտնի է, որ եթե լեզուն մանուկ հասակից չենք սովորում, կյանքի ավելի ուշ փուլերում դժվար է լինում այն յուրացնելը։ Այո՛, այդպես է, բայց հայերենն արդեն իսկ մեր երակներում է, արյան, գենի ու հիշողության մեջ և լուռ սպասում է, թե մենք երբ կյանք կտանք իրեն։

Ես հավատում եմ այս իրողությանը և կոչ անում գտնել այդ կյանքը տալու բանալին, լավ սովորել հայերենը, լինելով աշխարհաքաղաքացի՝ իր լեզվին տիրապետող հայ մնալ, ճանաչել ու սիրել մեր հոգևոր արժեքները։ Գիտեք, չէ՞, թե ի՜նչ անուշ է մեր «հոգևոր թոնիրների հացի բույրը». այդպիսի բույր աշխարհիս վրա ոչ մի տեղ էլ չենք գտնի։

Ինչո՞ւ ընտրել «M.A.M»-ը

«M.A.M»-ում կարելի է գտնել մի այնպիսի միջավայր, որտեղ աշխատանքն ու մարդկային հարաբերությունները ներդաշնակորեն շաղկապված են իրար, որտեղ օրը սկսվում է՝ այդպես էլ չավարտված՝ քսանչորս ժամ ջերմ ու անմիջական մթնոլորտում կրթվելու հնարավորություն տալով աշխարհասփյուռ ավագ ու կրտսեր սերնդի մեր հայրենակիցներին, որտեղ հայերենն ու հայկականն այնքան մոտ ես զգում, որ հեռավար ձևաչափը որևէ կերպով չի խոչընդոտում լիարժեք ընկղմվելու ուսուցման գործընթացի մեջ։

Ու եթե որոշել ես սովորել մեր Մայր լեզուն կամ բարելավվել իմացությունդ, միաժամանակ հաղորդակցվել մեր պատմության ու մշակույթի հետ, ուժեղացնել քեզանում ազգային տեսակդ պայմանավորող արժեքները, միացի՛ր մեր համահայկական մեծ ընտանիքին, ու թող ի դեմս քեզ՝ ևս մեկ հայ մարդով համալրվի հայապահպանությանն ուղղված մեր շարժումը։

«Սովորել կարելի է միայն այն, ինչ սիրում ես»։

Դպրոցական մանկավարժության մագիստրոս։

17 տարվա մանկավարժական և հայոց լեզվի դասվանդման երկարամյա փորձ։

«Արեգնազան» կրթահամալիրի ուսուցիչ և մեթոդաբան։

ԿԶՆԱԿ հիմնադրամի փորձագետ։

Նախագծի մասին

Այս նախագիծը հիանալի հնարավորություն է մանկավարժական գործունեություն ծավալելու Հայաստանի սահմաններից դուրս, յուրացնելու հեռավար կրթության նորագույն մեթոդներ և տեխնոլոգիաներ, ծանոթանալու սփյուռքահայ երեխաների հետ և նրանց համար իրականացնելու այս հայրենանվեր աշխատանքը, բացահայտելու մանկավարժական նոր ասպարեզներ և նվաճելու նոր բարձունքներ և, ի վերջո, մի փոքր ներդրում ունենանալու հայապահպանման կարևորագույն գործում։

Ուղերձ ուսանողներին

Մեզ հետ հայրենիքն ավելի մոտ է։

Ինչու՞  M.A.M​

Այս ծրագիրը միակը չէ, և դա շատ լավ է, բայց այն յուրահատուկ է, քանի որ համախմբել է պատասխանատվության, բարեխղճության, նվիրումի, արհեստավարժության ու ստեղծագործականության բարձր մակարդակով օժտված մարկանց։ Հրաշալի գաղափարը ամրապնդվել է մեծ հավատով ու սիրով և կյանքի է կոչվում ամուր կամքի շնորհիվ, և ես երջանիկ եմ, որ այդ հիանալի գործընթացի ականատեսն ու մասնակիցն եմ։

«Նախ՝ եղի՛ր կրթված»։

Պատմաբան, կրթության մասնագետ, պատմության ուսուցանման փորձագետ։

Լոնդոնի համալսարանական քոլեջի (UCL) և Քեմբրիջի համալսարանի հետ համատեղ ուսուցիչների վերապատրաստման ծրագրերի մասնակից:

Հայաստանի Ամերիկյան Համալսարանի դասախոս։

Ավելի քան 15 տարվա մանկավարժական աշխատանքային փորձ։

«Կիլիկիայի Հայկական պետությունը Միջերկրածովյան առևտրի համակարգում (13-14-րդ դդ.)»։ Մենագրության հեղինակ և «Գիրք պատմության ուսուցման․ ինչո՞ւ, ինչպե՞ս» գրքի համահեղինակ, ինչպես նաև ավելի քան երեք տասնյակ գիտական աշխատանքների հեղինակ։

Նախագծի մասին

Այս նախագծի հիմքում առաջին հերթին զգացմունքներն ու գաղափարներ են, առանց որոնց կրթությունը կդառնա զուտ մեխանիկական գործընթաց։ Ինչպիսի՞ անհատ ենք ցանկանում ունենալ այս նախագծի արդյունքում։ Անհատ, որը ոչ միայն ունի առարկայական գիտելիքներ, այլև տիրապետում է ժամանակակից աշխարհում ապրելու և գործելու կարևորագույն հմտություններին և ամենակարևորը՝ ունի անհատական բարձր որակներ ու կարողություններ։

Ուղերձ ուսանողներին

Կրթությունը գերնպատակ չէ, այլ միջոց ստեղծելու ներդաշնակ, արդյունավետ հարաբերություններով ձևավորված միջավայր և հասարակություն, ուստի, միանալով M.A.M-ին, կարևոր է հասկանալ, որ այն ոչ միայն տարբեր առարկաներ սովորելու համար է, այլ մի վայր, որտեղ սովորում ենք հարաբերվել, համագործակցել, հանդուրժել, լինել բաց և, ի վերջո, սիրել։

Ինչու՞ M.A.M

Գլխավոր շեշտադրումը չափելիության մեջ է, երբ զուտ կարգախոսները, նպատակները և լավ ցանկություններն այս ծրագրում չեն մնում զուտ բառեր, այլ դառնում են կրթական հստակ, չափելի գործընթացներ։

«Այն ուսուցիչը, որը կարողանում է իր սաներին օժտել աշխատանքի մեջ ուրախություն գտնելու ունակությամբ, արժանի է դափնեպսակի…»:

Տարրական դասարանների ուսուցիչ:

17 տարվա մանկավարժական փորձ Հայաստանի լավագույն կրթօջախներում։

Ներկայումս աշխատում է «Քվանտ» վարժարանում։

Նախագծի մասին

Իմ սաները 6-10 տարեկան երեխաներն են:

Երեխաներին ուսուցանելն ու դաստիարակելը իմ կյանքի կարևոր մասն է: Ես ինքս մայր եմ և հիանալի հասկանում եմ, թե որքան դժվար է գտնել ուսուցիչ, որը մասնագիտացված կլինի իր ոլորտում և կուրախացնի երեխային: Հետևաբար, ես ամեն ջանք գործադրում եմ, որպեսզի իմ մասնագիտական հմտությունները, նվիրվածությունն ու բարի վերաբերմունքը երեխային տրամադրեն ինձ ոչ միայն որպես ուսուցչի, այլև՝ որպես ընկերոջ:

Ես փորձում եմ յուրաքանչյուր աշակերտի հետ հաղորդակցվել անհատապես և իմ ուսուցման ոճը հարմարեցնել նրան: Իմ նպատակն է յուրաքանչյուր դասը դարձնել հետաքրքիր, ինտերակտիվ և ուսուցողական:

Ուղերձ ուսանողներին

Որակյալ կրթությունն ուժեղ և կայուն պետություն կառուցելու հենասյունն է: Մեզանից յուրաքանչյուրի նպատակն է այս հետաքրքիր ու պատասխանատու գործի իրագործմանը նվիրվել մեծ ուժով ու եռանդով:

Յուրաքանչյուր օր չդադարենք երազել, տեսնել բարին ու գեղեցիկը, ուրախանանք մեր հաջողություններով և հաղթահարենք ցանկացած դժվարություն:

Ինչու՞ պետք է ընտրել M.A.M

M.A.M-ը կրթական հարթակ է, որը ձեզ կօգնի տեսնել բարին ու գեղեցիկը, կօգնի միշտ երազել, հաղթահարել դժվարությունները և ուրախանալ սեփական հաջողություններով:

Միացի՛ր մեր թիմին…

«Առողջ պտուղներ վայելելու համար անհրաժեշտ է արմատները ջրել»։

M.A.M կրթական շարժման հոգեբան-խորհրդատու։

Զարգացման հոգեբանության մագիստրոս, 9 տարվա աշխատանքային փորձ գործնական (պրակտիկ) հոգեբանության ոլորտում, որից 5-ը՝ որպես կրթության հոգեբան։

Անհատական հոգեբանական խորհրդատվություն է տրամադրում երեխաներին, դեռահասներին և մեծահասակներին, ունի ուսուցիչների և ծնողների հետ անհատական և խմբային աշխատանքների մեծ փորձ։

Վերլուծական հոգեբանության հայկական ասոցիացիայի համահիմնադիր։ «Հայաստանի մանուկներ» բարեգործական հիմնադրամի հոգեբան։

Անցնում է Վերլուծական հոգեբանության միջազգային ասոցիացիայի եռամյա վերապատրաստման ծրագիր՝ Յունգյան վերլուծողի որակավորում ստանալու նպատակով։ (IAAP Router Training)։

Նախագծի մասին

Սփյուռքում մեծացող երեխաներին որակյալ կրթության տրամադրումը, հայրենիքի հետ կապերի ամրապնդումն ու հայկական ինքնության պահպանումը կարևոր են առավել, քան երբևէ։ Նախագծի հիմնադիրները նույնիսկ մեծ ցանկության դեպքում չէին կարողանա թաքցնել այն ողջ հավատն ու ոգևորությունը, որ ունեին դեռ նոր-նոր հասունացող ծրագրի նկատմամբ, ու դա վարակիչ էր։ Կար մեծ ցանկություն մաս կազմելու այնպիսի նախագծի, որը, վստահաբար, խորը արմատներ ու փարթամ ճյուղեր է ձգելու ողջ Հայաստանում և Սփյուռքում։

Ուղերձ ուսանողներին

Ամրապնդե՛ք հայ մնալու ձեր որոշումը այս նախագծի հետ։ Դասընթացների գլխավոր առաքելությունն է՝ ապահովել անհրաժեշտ պայմաններ Սփյուռքում ապրող երեխաների հայկական ինքնության ձևավորման և պահպանման համար։ Դրան հասնելու ուղիներն են կրթությունը, ինքնաճանաչումն ու հայրենաճանաչումը։ Դժվար է նույնականանալ մի բանի հետ, որը քեզ ծանոթ ու սրտամոտ չէ։ Մենք ուզում ենք ծանոթացնել երեխաներին հայկականի հետ և հուզական կապ ստեղծել։

Ինչու՞  M.A.M

Դասընթացները ձևավորվել են մի քանի ամիսների ընթացքում, ձևաչափն ու բովանդակությունը կազմվել են՝ հաշվի առնելով երեխաների տարիքային, հոգեբանական և մշակութային առանձնահատկությունները։ Ոչ մի տեքստ, խաղ, վարժություն պատահական չի ընտրվել։ Ծրագիրը նախագծող ուսուցիչներն ունեն մանկավարժական հարուստ փորձ և յուրօրինակ մոտեցում, ինչը թույլ է տվել ստանալ կենդանի, դինամիկ դասեր։ Մեր մոտեցումը խիստ ակադեմիական չէ, այլ բխում է երեխաների հետ անմիջական աշխատանքի փորձից։ Ունենալով, օրինակ, տառուսուցման հստակ մեթոդաբանություն մենք նաև ազատություն ենք տալիս մասնագետներին՝ ստեղծագործելու և հետաքրքիր փորձարկումներ անելու՝ ելնելով իրենց անհատական ոճից և մանկավարժական մոտեցումներից։

«Հայրենասիրությունը գործնական երևույթ է»

Քաղաքագետ (Ուփսալայի համալսարանի քաղաքագիտական ֆակուլտետ, զարգացման գիտությունների բակալավրի աստիճան):

Ընդհանուր 5 տարվա աշխատանքային փորձ Շվեդիայի միգրացիայի պետական գործակալությունում տարբեր բաժանմունքներում և պաշտոններում, Շվեդիայի պետական զբաղվածության գործակալության մշակույթի և մեդիայի բաժնում, ինչպես նաև Ուփսալայի քաղաքապետարանի աշխատաշուկայի բաժնում:

2021-2022 թվականների Սփյուռքի Երիտասարդ Դեսպան Շվեդիայում, նշանակված Սփյուռքի Գլխավոր Հանձնակատարանի Գրասենյակի կողմից:

Շվեդիայում գործող տարբեր հայկական միությունների և ասոցիացիաների խորհրդի անդամ ինչպես նաև նախկինում ՄԱԿ կանայք կազմակերպության Շվեդիայի ցանցի համակարգող Ուփսալա քաղաքում:

Swedish-Armenian սոցիալական հարթակի հիմնադիր:

«M.A.M.-ը յուրահատուկ և կարևոր նախագիծ է, որի ծառայությունների պակասը գրանցել եմ Շվեդիայի սփյուռքահայերի և համայնքների հետ աշխատելիս: Մայրենի լեզուն այն հիմնաքարն է, որի շուրջ կառուցվում է պատկանելիության կարևորագույն զգացումը:

Կոչ եմ անում սփյուռքի համայնքներին և անհատներին միանալ M.A.M.-ին և ստանալ հայերեն լեզվի դասավանդման անհնար թվացող խնդրի լուծումը»: